Ur edangarriaren sarea hobetzeko hainbat obra aurkeztu dituzte Foru Planera

Erredakzioa 2017ko uztailaren 4a
Deskargatu Info Ahotsak :

Haur bat iturri batetik uda edaten, Latiorro auzoan. / aiaraldea.eus

1,8 milioi euro baino gehiago beharko dira bi obrak egiteko.

Bi proiektu aurkeztu ditu Laudioko Udalak foru planera, aldundiak diruz lagundu ditzan. Ur edangarriaren sarea hobetzera daude bideratuak obra gehienak. Alde batetik, suteei aurre egiteko iturriak berritzea planteatzen da, zerbitzuz kanpo daudenak -77 inguru- kenduaz. Bestetik, ur-kontagailu sektorialak jarriko dira Larrañon, Areta kalean, Latiorron, Isasin, Motxotekalen, Landaluzen eta Gardean. 580.237,63 euro bideratuko dira obra horiek egiteko.

Bestetik, Latiorro auzoko ur edangarriaren sarea berritzeko asmoa du udalak, auzoko hainbat espaloi eta seinale konpontzearekin batera. 1.272.862,10 euroko aurrekontua zehaztu du tokiko erakundeak horretarako.

Ondorengo irudian horiz markatuta ikusi daitezke Latiorroko zein gunetan berrituko dituzten espaloiak eta seinalizazioa:

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide