Tokiko erakundeak Sarturekin sinatu du hitzarmena enplegu eta trebakuntza programa hasteko. Horren bidez 5 lagunek egingo dute lan ibaia eta errekak garbitzen.
Lanbidek kudeatuko du kontratazio prozesua hurrengo egunetan -ziurrenik hurrengo astean- eta langabezian dauden pertsonak elkarrizketatuko ditu.
6 hilabeteko kontratua
6 hilabeteko lanaldia izango dute eta asmoa da lanak uztailean bertan hastea. Printzipioz, beharginen zeregina izango da ibai ertzetan sastrakak kentzea kutxatilak erabilgarri egon daitezen.
Horrez gain, landare eta zuhaitzen artean bidea irekiko dute hondakin solidoak kentzeko. Aldi berean, eroritako enborrak eramateko parada izango dute baita, Nerbioian ez ezik, San Juan, Arana, Santa Kruz eta Aldai erreketan. Bide batez, ibaitik gertu dauden hesiak margotu beharko dituzte.
92.000 euro
Betebeharrak zehazteko elkarlan akordioa sinatu dute Laudioko Udalak eta URA agentziak. Ekimenaren aurrekontua 92.000 eurokoa da.
EAJ pozik
Laudioko EAJko udal taldeak oharra plazaratu du ziurtatzeko pozik daudela ekimenarekin eta aldarrikatzeko euren ideia izan zela langabeak kontratatzea ibaia atontzeko.
Laudioko Udalak enplegu programa berria abiatuko du berehala ibaia eta errekak txukuntzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide