Laudioko Udalak adierazi du Latiorro Ikastetxean segurtasun neurriak beteta kentzen ari direla amiantoa, baina momentuz ez direla fibrozementua baztertzen, baizik eta goiko txapak ateratzen. Txapa horiek leku berean jarriko dituzte lana bukatzean.
Juanjo Basterra kazetariak argazkiak sareratu zituen larunbatean salatzeko, bere ustez, amiantoa kentzeko segurtasun neurriak jarraitzen ez zirela Latiorro Ikastetxean.
Hala ere, Laudioko Udalak ziurtatu du langileen osasuna bermatzeko irizpide guztiak betetzen ari direla. Berez, momentuz, fibrozementua daukan geruza lantzera ez dira heldu, soilik goiko txapak ateratzen ari dira eta. Ondorioz, beharginek sarea besterik ez dute behar perimetroaren inguruan.
Amiantoa kentzeko enpresa aditua
Fibrozementua -amiantoa- baztertzeko obrak Desmar enpresak egingo ditu, horretan aditua baita. Udalak jakinarazi du segurtasun plana aurkeztu duela aurretik.
Horrez gain, lanaren arduraduna Ingura da, 24.200 euroko esleipenak berak eskuratu baitzuen. Enpresa horren langileak baztertzen ari dira txapak.
Txapak
Udal ordezkariek argitu dute orain txapak kentzen ari direla. Material horrek ez du fibrozementurik eta ez du aparteko segurtasun neurririk behar. Are gehiago, amiantoa baztertu ostean, txapak zeuden lekuan kokatuko dituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
