Txertatu Merkatuan programaren egitasmo berri bat egingo du Laudioko Garapen Agentziak udazkenean. Aiaraldeko 12 gazte langabetuk hartu ahal izango dute parte egitasmoan. Hauek dira bete beharko dituzten baldintzak: 16 eta 29 urte artean izatea eta prestakuntza-maila baxua izatea edo titulaziorik gabe egotea.
Bi fase
Azaroaren 30ra arte iraungo du programak eta bi fasetan egongo da banatuta. Lehen atalean “profil laborala” landuko dute, “pertsona bakoitzaren ezagutza eta gaitasunetatik abiatuta”. Bigarren zatian 100 orduko hiru tailer burutuko dira: “ Gizarte eta osasun arretari, oinarrizko sukaldaritzari eta oinarrizko instalazio elektrikoko muntaketei buruzko”. Praktikak egingo dituzte gero parte hartzaileek, programari amaiera emateko.
Egitasmoa doakoa izango da eta 94 403 49 80 telefonoaren edo garapenagentzia@laudio.eus helbide elektronikoaren bidez eman daiteke izena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
