Hernando Lacallek epaitegian buka dezake ustelkeria dela medio

Erredakzioa 2017ko uztailaren 23a
Deskargatu Info Ahotsak :

Hernando Lacalle Laudioko udalbatzan, EAJko zinegotzia izan baitzen aurreko legealdian. / aiaraldea.eus

Hedabideek jakinarazi dute Eneida Arbaiza epaileak akusatuen aulkian eseri nahi duela Hernando Lacalle laudioarra, Eusko Jaurlaritzako Aurrekontuen Zuzendaria. Epaileak ustelkeria delituak leporatu nahi dizkie berari eta Arantza Zenarruzabeitiari.

Epailearen arabera, Hernando Lacallek eta Arantza Zenarruzabeitiak zuzenean eman zioten kontratu publiko bat -Deiko proiektua gauzatzeko- Denokinn enpresari, publizitate irizpideak errespetatu gabe eta gainerako enpresei aurkezteko aukera ukatuta.

Gertakaria 2010ean gertatu omen zen biak Arabako Foru Aldundian zeudelarik eta Arabako Garapen Agentziaren bitartez egin omen zuten.

Helegitea
Akusatuek helegitea jartzeko aukera daukate, jartzen ez badute edo aintzat ez bada hartzen neurria, epaitegira jo beharko dute prebarikazioa, diru publikoaren bidegabeko erabiltzea eta iruzurra leporatuta.

Hernando Lacalle Eusko Jaurlaritzako Aurrekontuen Zuzendaria da egun, baina postu hori izan baino lehen ardura ugari izan du EAJn, Laudioko Udalean eta Arabako Foru Aldundian, besteak beste.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide