Laudioko EH Bilduk jakinarazi du Omniako bi kideak bota dituela Tokiko Gobernu Batzordetik. Gaur bertan adierazi diote talde independenteko ordezkariei.
Eh Bilduko kideek esan dute erabaki oso zaila izan dela, lidergo partekatuetan sinisten dutelako; baina nabarmendu dute alderdi independenteak ez dituela bete "duintasun politikoaren gutxiengoak".
Horrela, EH Bilduk salatu du udala barrutik oztopatzeko Omniak leialtasun eza, joko zikina, irainak eta mespretxuak baliatu dituela Tokiko Gobernu Batzordearekin batera.
Kanporaketaren jatorria
Udal Gobernu Taldeak argitu du erabakiaren jatorria Omniak igandean zabaldutako idazkian dagoela, SOS Parkea plataformari eta Laudioko gainerako talde politikoei bidali ziotenean, hain zuzen.
Elkarlana
EH Bilduko kideen hitzetan, elkarlanean eta lidergo partekatuan sinisten dute, eta horregatik ukatu dute Omniak Tokiko Gobernu Batzordean parte hartzea. "Ezinezkoa izan da eurekin lan egitea, harreman oso zaila izan da". Edozelan ere, akordioak lortzeko borondatea berretsi dute, "baina anbizio politikoak ez du guztia justifikatzen".
Ordezkoak
Omniako zinegotzien lekua hartuko dute pertsonen izen eta abizenak hurrengo astean plazaratuko dituzte.