Dantza, piroteknia, txotxongiloak... taula gaineko diziplina ugarik hartuko dituzte Laudioko kaleak sanrokeetan, hainbat konpainiaren eskutik. Antzezlanak izango dira gehienak. Abuztuaren 16an “Baserriko porrusalda” obra ikusi ahal izango da, “Crazy mozart” 17an, “Pass&Company” 23an eta Pablo Ibarluzea laudioarrak zuzendutako “Lapur minak” 25ean. Txotxongiloekin eginiko bi ikuskizun egongo dira baita ere festetan.
Abuztuaren 25ean “Zo zoom” lana ikusi ahal izango da Herriko Plazan. “Violeta” ikuskizunaren txanda izango da hurrengo egunean, toki berean.
Dantzak ere izango du tartea, Itxarkundia eta Kukai taldeen emanaldiekin. Egongo dira baita ere sailkatzeko zailak diren bi emanaldi: Manneken Pis “instalazio artistiko-umoretsua” eta Deabru Beltzak talde ezagunaren Su a Feu kalejira ikusgarria.
Udalaren eskaintzari Txosna Batzordearena gehitu behar zaio, Txosnagunean ere egongo baita zer ikusi eta gozatu -ikusi 48-49. orriak-.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
![Zea Mays, Hesian, Iseo eta Dodo Sound, Kukai... egongo dira sanrokeetan [Laudioko Jaien egitarau osoa ikusgai]](https://aiaraldea.tok-md.com/argazkiak/efc/cache/26727274863_d314fcc80d_o_tokikom_735x413.jpg)