23 urteko gazte bat atxilotu zuen Ertzaintzak beste gizonezko bat jo eta konorterik gabe uzteagatik

Erredakzioa 2017ko abuztuaren 25a

Laudioko Ertzain-Etxea./ aiaraldea.eus

Erasotzaileak berak deitu zuen 112 larrialdi telefonora. Biktimak bi hortz galdu zituen eta ospitaleratu zuten.

Ostegunean goizeko 06:30ean jazo zen gertakaria herrigunean. Pertsona batek beste bat eraso zuen eta horrek, lurrean jo ostean, konorterik gabe geratu zen zenbait minutuz.

Erasotzaileak jakinarazi zion larrialdi zerbitzuei gertakaria eta Ertzaintzaren patruila bat bertaratu zen. Horiek anbulantzia deitu zuten, minutu batzuen buruan bere senera etorri zen biktima.

Zerbitzu medikuek bi gizonezkoak artatu zituzten. Erasotuak bi hortz galdu zituen eta Galdakaoko ospitalera eraman zuten.

Erasotzaileak zauriak zituen eskuan eta osasun-zerbitzua ere jaso zuen. Horren ostean, Ertzaintzak atxilotu zuen, lesio-delituak leporatu eta epaitegira eraman.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide