Estatu Batuetan bira egiten ari dira Moonshine Wagon taldeko kideak

Erredakzioa 2017ko irailaren 14a
Deskargatu Info Ahotsak :

Goiatz Duttok bibolina jotzen du taldean. / Moonshine Wagon

Goiatz Dutto laudioarrak osatzen du taldea beste bi musikarirekin. 23 kontzertu eskainiko dituzte hilabete bakarrean.

Estatu Batuetatik kontzertuak eskaintzen ari dira une honetan Moonshine Wagon taldeko kideak. Goiatz Dutto laudioarrak jotzen du talde horretan, beste bi musikarirekin batera.

 

Oso bira intentsua egiten ari dira: 23 kontzertu eskainiko dituzte hilabete bakarrean, egun bakoitzean toki ezberdin batean joz eta estatu batetik bestera salto eginez. Atzo Sylvan (Ipar Carolina) egon ziren eta gaur Hego Carolinara mugituko dira.

 

“Beldurra ematen zigun estatu batuetara etortzeak, bertako musika egiten dugulako kanpotarrak izanda”, aitortu du Duttok, “baina jende ugari bertaratzen ari da emanaldietara eta esan digute oso ondo jotzen dugula eta kantatzerakoan Amerikako ahoskera barneratu dugula. Sekulako esperientzia izaten ari da.

 

Biraren jarraipena egiten ari dira taldeko kideak Facebooken.

 

Euren bigarren diskoa aurkezten ari dira taldeko kideak, “Porca miseria” deiturikoa:

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide