aiaraldea.eus

4 enplegu programa berri abiatu nahi ditu udalak

Erabiltzailearen aurpegia Erredakzioa   Ekonomia  Laudio

Laudioko Udalak Arrañon egindako enplegu programa baloratu ostean, jakinarazi du Nerbioiaren ubidea garbitzeko ekimena abiatu dutela eta hurrengo hilabeteetan beste 4 programa hasi nahi dituztela langabezian dauden herritarrak kontratatzeko.

4 enplegu programa berri abiatu nahi ditu udalak
Enplegu planean egindako lanen irudi bat. / Laudioko Udala | Ikusi handiago | Argazki originala

4 programa horietatik bat udal bitartekoekin gauzatuko dute; merkataritza gunea konponduko duena, alegia.

Gainerakoak Arabako Foru Aldundiko diru-laguntzekin finantzatu nahi dute, deialdia zabaldu baitute dagoeneko. Enplegu programa birekin mendietan eta bide ertzetan esku hartuko dute, eta baloratzen ari dira Arrañon merenderoa eraikitzea. Herriko kaleetan zenbait konponketa egitera ere bideratu nahi dute beste enplegu programa.

Egitasmoak zehaztu bezain laster, bilera deituko du udalak interesdunek informazio guztia jaso dezaten.

11 langile kontrataturik
2017an, momentuz, 11 langile kontratatu ditu udalak enplegu programen bitartez. 6 Arrañoko gunea atontzeko eta 5 ibaia garbitzeko. Berez, Arrañon lanean aritzeko deialdian 102 lagunek eman zuten izena eta Lanbidek kudeatu zuen kontratazio prozedura. Eredu hori jarraitu nahi du tokiko erakundeak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa