Dokumental horretan Eduardo Gaviña laudioarrak (Yougurinha Borova) "road movie" batean hartuko du parte. Diru bilketa kanpaina abiatu du horretarako. Artistaren esanetan, elkarrizketak izango dira nagusi; bere feminitatearen bila solastuko baita familia, lagun, lankide, beste trabesti, emakume transexual, genero gabeko pertsona eta cross-dressersekin. Bidaia horren bidez, sexualitatea eta generoari buruzko hausnarketa luzatu nahi du laudioarrak.
Aurreratu duenez, Londresen oinarrituko da bigarren zatia, "cross-dresser bilera batean parte hartuko dut eta The Way Out Club dantzaleku transgenero mitikoaren 25. urtemuga ospakizunetara gonbidatuko naute".
Babes kanpaina
Yogurinha Borovak proiektua gauzatzeko diru ekarpenak jasotzeko kanpaina abiatu du interneten. "Emailez, Whatsappez, Facebook edo Twitter bidez esteka partekatuta lagun nazakezue; edota gure proiektuari buruz lagun, senide, lankide zein ezagunei hitz egiten", adierazi du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
