Bi ardatz nagusi izango dituzte asfaltatzeek. Alde batetik 440.526,14 euro baliatuko dituzte Lamuza, Ugarte eta Goienuri kaleak lotzen dituzten bideetan, baita Motxotekalen, Leziaga Bidean eta Isasi kalean.
Gainera, hobekuntzak gauzatuko dituzte Ayala kalean, San Martin futbol zelaiko sarreran, Gardean -Arza eraikinaren ostean-, Ruperto Urkijo kalean, Katuxa Ibarran eta Villosa etorbidean.
Horrez gain, 169.470,85 euro bideratuko dituzte landa bideak konpontzeko; Larragibel eta Orueta artean, alegia.
Kamioia erosi
Bestalde, Laudioko Udalak iragarri du kamioia erosteari ekingo diola. Ibilgailu hori langileek erabiliko dute eta plataforma igogailua izango du. 66.187 euroko inbertsioa egingo du erakundeak erosketa hori egiteko.
600.000 euro baino gehiago inbertituko ditu udalak asfaltatuetan
Hainbat esku hartze egingo du Laudioko Udalak herriko kale ugaritan, Ugarten edo Gardean, besteak beste. Inbertsioa 609.996,99 eurokoa izango da guztira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide