"Dispertsioa argira ekarriz" gunea atonduko du Etxeratek Laudion

Gasteizen egin dute ekimenaren aurkezpena gaur / Etxerat

Gasteizen aurkeztu dute  "salbuespeneko politikaren eragina erakusteko" dinamika. Urriaren 23tik 28ra egongo da Laudion karpa.

Azaroan zehar egingo dute Arabako Etxerateko kideek bira. Eskualdean ere izango du isla ekimenak, aurreratu dutenez, Laudion hainbat jarduera egingo baitituzte. Etxeraten arabera, 28 urte igaro dira dispertsio politika martxan jarri zenetik, "eta 6 urte ETAk borroka armatuaren amaiera iragarri zuenetik, baina euskal preso politikoen senide eta lagunontzat ez da ezer aldatu; dispertsio politikak mina eta sufrimendua eragiten jarraitzen du". Etxeraten esanetan, jendartearen multzo handi batek ez du oraindik errealitate "gordin" honen ezagutzarik. Horregatik antolatu dute bira; dispertsioaren ondorioak ezagutzera emateko.

Karpa 

Gasteizen abiatuko dute ekimena. Azaldu dutenez, testigantzak, erakusketak, mahainguruak... egongo dira. Jon Ligüerzana Arabako koordinatzailearen hitzetan, urriaren 23tik 28ra egongo da "Dispertsioa argira ekarriz" gunea Laudion. Ekimenaren nondik norakoak azaldu ditu: "Erakusketa bat da. Bertan panelen bitartez dispertsioaren ondorioak jasoko dira. Eta pantaila batean uneoro testigantzak botatzen egongo gara. Guztira 15 testigantzako bideoa".

Dispertsioaren aferari heltzeko makina bat jarduera antolatu dira eskualde osoan. 2011n, esaterako, Laudioko senideek ikus-entzunezko batean bildu zituzten espetxe politikaren bizipenak, euskal preso politikoen aldeko brindisean:

   

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide