Herriko hainbat guneetako argiteria berrituko dute, Laudioko Udalak jakinarazi duenez. Hiru zonaldetako argiak aldatuko dituzte: Lamuza Parkekoak, Lamuza Plazakoak eta Nerbioiko Kaleko bigarren zenbakiko zebrabidearen albokoak.
Amets Meazak azaldu du ez dela “lan puntuala” izango. “Azken urteetan 60.000 euroko diru-saila zehaztu dugu aurrekontuetan. Modu horretan joan gara berritzen herriko zenbait kaletako argiztapena”. Bi helburu ditu hori egiteak, zinegotziaren esanetan: “Kontsumoa murriztea eta eraginkortasun energetikoa handitzea”.
Bost asteko epea
59.983 euro baliatuko dituzte obra hori egiteko. Hala ere, oraindik esleitzeke dago obra. Behin hori zehaztuta, hautatutako enpresak bost aste izango ditu aipatutako zereginak betetzeko.
Meazaren esanetan, hainbat hobekuntza egingo dira baita ere Lamuza Plazako berdeeguneetan, “udalaren baliabideekin”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
