“Bizi zaitez bizi” programaren bigarren edizioa jarriko du abian Laudioko Udalak. 60 urtetik gorako bizilagunei zuzendutako egitasmoa izango da, eta lehen edizioak zituen helburu berak izango ditu: “Eguneroko arazo eta korapiloak kudeatzen jakitea”. Hala adierazi du Isa Bovedak. Ongizate Saileko zinegotziak jakinarazi du ekimena 18 saioz osatua egongo dela, “abendutik maiatzera bitartean egingo dira eta ordu eta erdikoa izango da bakoitza”.
“Gizonezkoak bereziki”
Programa aurkezteko hitzaldi informatiboa eskainiko dute abenduaren 4an, 18:00etan Kultura Etxean. “Aurkezpen saioa izango da, bertaratutakoei ez zaie konpromisorik eskatuko”, nabarmendu du Bovedak. Zinegotziak gizonezkoak animatu nahi izan ditu bereziki parte hartzera, “lehen edizioan mutil bakarra egon zen, gainontzeko parte hartzaileak emakumezkoak izan baitziren. Badirudi norbere burua zaintzea ez dela 'gizonezkoen kontua'".
Egitasmoari buruzko hitzaldi informatiboa egingo dute abenduaren 4an, 18:00etan Kultura Etxean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide