Gurutze Gorriaren eraikineko eta auzoetako espaloietako irisgarritasuna hobetzeko lanak behin bukatuta, obra berriak iragarri ditu Laudioko Udalak. Lan horiek hurrengo hilabetetan zehar luzatuko dira.
Abian da Lamuza plazako, parkeko eta Nerbioi kaleko argiztatze publikoa berrikusi eta aldatzeko lizitazioa, 60.000 euroko aurrekontuarekin.
Herriko hainbat kale eta errepide ere asfaltatuko dituztela iragarri dute. Motxotekale kalean hasiera eman diete dagoeneko obra horiei. Leziagako bihurgunean, La Milagrosa ikastetxeko jolastokian eta Goienurin ere burutuko dituzte asfaltatze obrak.
Larra auzoko errepideetan ere hobekuntzak burutuko dituzte. Egun obra horiek prestaketa lanetan aurkitzen dira, bide-bazterren garbiketa egiten ari baitira, besteak beste.
Obra berriak iragarri ditu Laudioko Udalak hurrengo hilabetetarako. Herriko hainbat gunetako argiztatzea berritu eta zenbait kale asfaltatuko ditu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide