Laudio Taekwondo Klubeko zortzi lagunek hartu dute parte Espainiako txapelketan. Olga Gutierrezek azaldu duenez, "amaigabea" izan zen jardunaldia, 9:00etan hasi baitzen eta gauerdian bukatu.
Gutierrez izan zen lehen domina irabazi zuena, brontzeduna, Emakumezkoen Master 2 kategorian. "Horrek poztasun eta motibazio injekzioa suposatu zuen", aitortu du.
Emaitza paregabeak
Aitziber Alonsok (Laudio-Doyan) urrezko domina lortu zuen Emakumezkoen Freestyle kategorian, 18 urtez gorakoen artean. Urko Herrerok, aldiz, brontzedun medaila etxeratu zuen Alonsoren modalitate berean. Maider eta Gentza Astobiza ahizpa-nebek bikoteka jardun zuten 17 urtez beherakoen artean, eta brontzezko domina eskuratu zuten.
Ainara Vegak kanporaketak pasa zituen, baina finalerdietako borroka galdu zuen. Ainara Vivanco eta Gaizka Molinuevo ere kanporaketetan geratu ziren at. "Edozelan ere, haien ilusioa eta egindakoa eredugarria izan zen", azpimarratu du Gutierrezek.
Freestylea, ordu txikitan
Gaueko hamarretan hasi ziren Freestyle modalitatean. Horregatik dio Gutierrezek norgehiagoka luzea izan zela. Astobizarrek, baina, gogor eutsi zioten: "Larritasunez itxaron eta gero emozioz salto egin genuen. Gentza eta Maider izan ziren parte hartzen lehenak, eta bikoteka brontzea lortu zuten". Horregatik dio urduritasuna puri-purian zegoela. Ondoren izan zen Aitziber Alonsoren txanda: "Nazio mailan bere lehen txapelketan ez zuen zalantzarik sortu, eta urrea lortu zuen. Emozioak gorantza egin zuen guraso, lagun eta taldekide guztien artean, pista ondoan". Urko Herrero izan zen indarrak neurtzen azkena, gaueko hamabiak aldera: "Presioa handitu egin zen, eta sorginen ordua helduta, gauerdian lortu zuen brontzea".
5 domina lortu ditu Laudioko Taekwondo Klubak Espainiako taldekako txapelketan
Zubian jokatu da Valentzian Pomasae eta Freestyle modalitateko Espainiako kluben txapelketa. Laudioko taldeak brontzezko 4 domina eta urrezko bat eskuratu ditu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide