Gazteria teknikari postua bete dezakeen pertsona baten bila ari da Laudioko Udala, ordezkapen bat egiteko. Hauek dira interesdunek bete beharko dituzten baldintzak: Unibertsitate gradu edo lizentziatura izatea, Euskararen 3. perfila edo EGA izatea eta formazioa izatea gazteria alorrean.
Lanbideren orrian argitaratu dute lan-eskaintza. Erakunde horren bulegora jo behar dute interesdunek. Behin aurre-aukeraketa eginda, ondorengo merituak hartuko dira kontuan postua nork beteko duen ebazteko:
- Administrazio publikoan eginiko lanak.
- Azken 5 urteetan eginiko ikastaroak, baldin eta hauek harremana badute bete beharreko postuarekin edota gazteriarekin, herri mugimenduekin, euskal elkartegintzarekin edota hezkuntza eta aisialdiarekin.
- Elkarrizketa.
Hemen kontsultatu daitezke lan-deialdiaren oinarriak.
Ikusi hemen eskualdeko lan-eskaintza gehiago.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
