20 urteko gazte bat atxilotu dute, 9 adingabe sexualki jazartzea egotzita

Erredakzioa 2018ko otsailaren 2a

Aske geratu da ustezko erasotzailea, Amurrioko epaitegitik pasa ostean. / Aiaraldea.eus

Sare sozialen bidez eskatzen zizkien argazki sexualak adingabeei. Astelehenean atxilotu zuten ustezko erasotzailea, baina epaiketa izan arte geratuko da aske, Ertzaintzak adierazi duenez.

Sexu delituak egotzita 20 urteko laudioar mutila atxilotu du Ertzaintzak. Poliziak adierazi duenez, astelehenean atzeman zuten gaztea haren etxean. Sexu jazarpena leporatzen diote: "16 urtetik beherakoei sexu delituak egitea".

Ertzaintzaren arabera, gaur arte bederatzi adingaberen salaketak jaso dituzte. Eraso moduei dagokienean, sare sozialen bidez jazo direla azaldu du poliziak: "Instagrametik jartzen zen harremanetan adingabeekin, eta postura sexualetan argazkiak bidaltzeko eskatzen zien". Nerabeen gurasoek Aiaraldea Gaur hedabideari jakinarazi diotenez, Whatsappetik ere eskatzen zituen irudiak. Atxilotu ostean Amurrioko epaitegira eraman zuten gaztea, "baina epaitu arte geratuko da aske". Ikerketa oraindik zabalik dago.

Laudio Futbol Klubaren oharra

Laudio Futbol Klubak oharra plazaratu du gertaerarekin zerikusirik ez duela argi uzteko.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide