Prentsa oharra plazaratu du Laudioko EAJk Virgen del Carmen eta Nerbioi kaleen egoera dela eta. Jeltzaleek azaldu dutenez, Zumalakarregi etorbidearekin batera errepide horrek osatzen du herriko “zirkulazio-ardatz garrantzitsuena”. Bi bideen egoerari erreparatuta hodnatuta daudela nabarmendu dute, eta horrek hainbat kalte eragiten dituela autoen gurpil eta moteltze-sistemetan.
Azken egunetako euriteek sortutako ur-putzuak ere aipatu dituzte: “Autoak igarotzen direnean ura barreiatzen dute oinezkoen artean”.
Jeltzaleek azaldu dute bi bide horiek konpontzea eskatu ziotela EH Bilduren gobernuari, 2017ko udal-aurrekontuen akordioaren barruan. Adierazi dutenez, hainbat bideren konponketa “aurrekontu-lote berean” sartzea proposatu zuten: 2016an Lamuza eta Ugarteko bideak konponduko lirateke eta 2017an Virgen del Carmen eta Nerbioi karrikak.
Horregatik, udal-gobernuari akordioa ez betetzea leporatu diote: “Auzokideen benetako beharrei bizkarra eman diete. Laudio dekadentzia batean murgildua dago, udal-gobernuaren axolagabekeriarekin”.
EH Bilduren erantzuna
EH Bildu jakinarazi du udaberrian hasiko direla bide horiek konpontzeko obrak. "EAJk badaki hori", azaldu Jon Ander Altube zinegotziak, "baina jakin badakigu hori izango dela jeltzaleek udal-hauteskundeetara arte erabiliko duten teknika: prentsa oharren bidez udal-gobernuaren jarduna higatzen saiatzea".