Asteburuan jokatu da Espainiako Orbe dantza txapelketa, Burgosen. Bertan egon dira Laudio Wellnesseko kideak, eta emaitza paregabeak erdietsi dituzte.
Hiru sarirekin itzuli ziren. Laudio Urban Project taldeak brontzea lortu zuen eta Laudio Wellness Soundek zilarra. Laudio Wellness Crew taldeak, aldiz, Orbe sarien 3. postua erdietsi zuen.
Geroz eta marka hobeagoak lortzen ari dira Laudioko hiri-dantza akademiako kideak. “Hiru urte daramatzagu Orbe txapelketan parte hartzen”, azaldu du Iñaki Martinez Garcia crew leaderrak, “lehenengo aldian 10. postua erdietsi genuen eta bosgarrena hurrengo urtean”.
Urtea indartsu hasi dute. Akadantz txapelketan hirugarren postua lortu zuten eta bosgarrena, aldiz, Gipuzkoako Hip Hop Txapelketan.
Aurrera begirako erronkak
Martinezek aurreratu du beste hiru txapelketara aurkeztuko direla: Dantzatu, Dzanp eta So Dance norgehiagoketara, hain zuzen. “Indar guztiak emango ditugu hiru zita horietan, podiumean sartzea helburu”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide