Kutxako, kanbioetako eta makina txanponjaleko dirua ostu dute. Tabernaren jabeek adierazi dute azken hilabetean beste lapurreta bat egon dela herriko saltoki batean.
Lapurreta egin dute bart Laudioko Gorka tabernan. “Atzo gauean itxita utzi nuen atea. Gaur, aldiz, erdi-irekita topatu dut”. Hala adierazi dio establezimenduaren jabeak Aiaraldea hedabideari.
Lapurrek tabernako pertsiana bortxatu behar izan dute. “Makina txanponjalea txikitu eta bertan zegoen dirua eraman dute, kanbioetakoarekin eta kutxakoarekin batera”.
Jabeak ohartarazi du beste lapurreta bat egon dela hilabete honetan, herriko beste saltoki batean. “Hala jakinarazi digu Ertzaintzak”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.