Ikuskizun “basatia” eskainiko du Zirku Italiarrak asteburuan

Erredakzioa 2018ko apirilaren 20a

Zumalakarregi etorbidean dago zirkua. / Aiaraldea.eus

Gaur, bihar eta etzi eskainiko dituzte emanaldiak Zumalakarregi etorbideko 60. zenbakiaren parean dagoen aparkalekuan.

Zirku Italiarra iritsi da Laudiora. Zumalakarregi etorbideko 60. zenbakiaren parean dagoen aparkalekuan atondu dute akanpalekua, eta astearen hasieratik daramate euren ikuskizun berria herriko kaleetan barrena iragartzen. Emanaldi “basatia” izango dela aurreratu dute: “atmosfera askatzaile bat eratuko dugu, zeinetan dena izango den posible”. Akrobaziak, dantza eta bestelako diziplinak uztartuko dituzte.

Gaur -ostirala-, bihar eta etzi eskainiko dituzte emanaldiak. Gaurkoa 19:00etan izango da. Bihar bi eskainiko dituzte, 17:00etan bata eta 19:30ean bestea. Igandean, aldiz, 12:00etan egingo dute lehena eta 17:00etan bigarrena.

Prezio bereziak
Zirkuko kideek nabarmendu dute “prezio bereziak” egongo direla. Sarrera normalak 10 euro balioko du eta 15 euro, aldiz, “vip” eserlekuetakoak.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide