Hiru antzezlan eskainiko dituzte guztira: Takoidun zapata gorria, La flamencura eta Secuestro.
Santa Kurutze jaiak ospatuko dira Laudioko Gardea auzoan datorren maiatzaren 3tik 6ra. Egitarau oparoa prestatu dute jai batzordeko kideek egun horietarako. Egingo dituzten ekintzetako asko ohikoak dira, tradizio luzekoak, bolo-txapelketa kasu. Baina berrikuntza deigarri bat sartu dute aurtengo programan: Helduentzako Mikroantzerki Jaialdiaren lehen edizioa. Maiatzaren 5ean -larunbata- egingo dute ekimen hori, 19:30ean hasita.
“Takoidun zapata gorria” Gardeako Kulturgunera bertaratzen diren bizilagunek hiru antzerki-obra laburrez gozatzeko parada izango dute. Bati baino gehiagori ezagunak egingo zaizkio taulara igoko diren lehen aktoreak, Takoidun zapata gorria izango baita eskainiko den lehen lana. Mikel Ayllon, Haizea Paris, Igor Arzuaga eta Jabi de la Ydalgak sortu dute antzezlana, Pablo Ibarluzearen zuzendaritzapean.
Hogei minutu inguru irauten du “hiru ekintzatan banatutako tragedia odoltsu” hori. Jarraian, beste bi lanez gozatu ahalko dute ikusleek: La flamencura eta Secuestro.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
