aiaraldea.eus

Podemosek ez du parte hartuko igandeko Gure Esku Dagoko herri galdeketan Laudion

Erabiltzailearen aurpegia Aitor Aspuru Saez   Politika  Laudio

Herriko Podemos alderdiko taldeak oharra zabaldu du jakinarazteko ez duela babestuko Gure Esku Dagok deitutako herri galdeketa maiatzaren 6an. Hala ere, bere militanteek bozka ematea "naturaltzat" joko dute.

Podemosek ez du parte hartuko igandeko Gure Esku Dagoko herri galdeketan Laudion
Podemosen egoitzaren inaugurazioaren irudia. / Aiaraldea.eus | Ikusi handiago | Argazki originala

Podemoseko herriko taldeak eztabaida burutu du igandeko ekimenari buruz, eta ondorioak plazaratu ditu prentsa oharrean. Alderdiaren arabera, presazko ekimena da maiatzaren 6ko galdeketa, 1.992 sinadura jaso baitira 15.000 balizko bozkatzaileen artean.

Horrez gain, alderdiaren aburuz, 18 urtetik gorakoentzat izan beharko litzateke bakarrik bozka emateko aukera, eta ez 16 urtetik aurrera. Gainera, Podemosen ustez, proposatuko galdera argiagoa izan beharko litzateke.

Hala ere, erabakitzeko eskubidearen alde

Laudioko alderdiko ordezkariek aldarrikatu dute erabakitzeko eskubidea, ez soilik lurraldetasunari dagokionez, baita gizarte, ekonomia edota ingurumen gaiei lotuta ere. Hori bai, "modu legalean".

Amurrion bestelako jarrera

Podemos alderdiari lotutako Amurrioko udal taldeko kideek, ordea, modu aktiboan parte hartuko dute herri galdeketan, eta, adibidez, gutxienez, Orain Amurrioko zinegotzi bat bozka emateko mahaietan egongo da.

 

Erantzunak

Erabiltzailearen aurpegia Jose Mari Gutierrez Angulo Erantzuna | #1

Norbaiten proposamen edo ekimen bat gaitzetsi nahi baduzu hau da onenetariko formula bat: lehenengo esaten duzu ados zaudela, eta ondoren lerrokatzen dituzu “baina” edo “aldiz” zerrenda luze bat, bestearen balizko ahultasuna, legitimotasunik eza, desegokikeria, edo dena delakoa nabarmentzen, nahiz eta baina guzti horien jatorria gezur borobilak eta nabarmenak izan.
EN LAUDIO PODEMOS taldeak esaten du hiritarrek eskubidea dutela kontsultatuak izateko, beti ere legezko era argian egiten bada. Baina –gehitzen du– hausnartze-izaerako prozesua jarraituz eta aukera desberdinak agerian jartzen. Horrela esanda ematen du Laudioko Gure Esku Dagok antolatu duen kontsultarako hausnartze-izaerako prozesurik gabe lan egin duela, eta gainera sentsibilitate ugaritasunari ateak itxi dizkiola. Guztiz kontrakoa izan da, eta prozesuan egon ez dena nahi ez duelako izan da.
EN LAUDIO PODEMOS taldeak esaten du erabakitzeko ahalmena ez dela lurralde kontuetara mugatu behar; aldiz, beste gai edo kontu sozialak, ekonomikoak edo ingurumen-arazoak erabakitzeko ahalmenari dagozkie ere. Ba hori egin du, hain justu, Laudioko Gure Esku Dagok hilabeteak iraun dituen prozesu batean. Laudioko Gure Esku Dagok antolatu ditu hitzaldi eta ekintza ugari, eta EN LAUDIO PODEMOS ez da enteratu.
EN LAUDIO PODEMOS taldeak esaten du galdera argiagoa eta laburragoa, izan zitekeen. Galdera erabakitzeko bilera irekiak egin ziren, eta pertsona ugari hartu genuen parte erabakian, bakoitzak bere burua ordezkatzen. Zer nahi du EN LAUDIO PODEMOS taldeak, galdera argiagoa edo erabakitzeko eskubidea murrizten duen galdera?
EN LAUDIO PODEMOS taldeak esaten du 1.992 zinadura gutxi direla ekimena abian jartzeko. Laudioko Gure Esku Dagok epe eta kopuru minimo zehatzak jarri zizkion bere buruari ekimena abian jartzeko (GEDen protokoloak jarraituz), eta kopuru hori soberan gainditu zen. Zenbat pertsona hartu dute parte EN LAUDIO PODEMOS taldeak egin duen honi buruzko "diagnostiko eta eztabaidan"?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa