Laudioko Udalak adierazi du plaza behin betiko konpontzeko 1,5 milioi euro inbertitu behar direla, baina Eusko Jaurlaritzak ez die eman eskatutako diru-laguntza.
Aste honetan Abasto plazako sabaiaren zati batzuk erori ziren. Horren ostean, Laudioko Udaleko teknikariek arazoa aztertu dute eta jatorria, antza, hezetasuna da.
Arrakalak zituzten beste zati batzuk kendu dituzte udal langileek arazoak ekiditeko, eta behin-behineko konponbidea bilatuko dutela adierazi du udal gobernu taldeak.
Izan ere, Amets Meatza zinegotziak azaldu du plaza guztiz egokitzeko 1,5 milioi euro beharrezkoak direla eta horretarako laguntza ekonomikoa ezinbestekoa dela. Berez, aurten Eusko Jaurlaritzaren deialdian parte hartu zuen Laudiok, irisgarritasun diru-laguntzak eskuratzeko. Edonola ere, jaurlaritzak ez die eman, diru nahikorik ez baitzuen lan guztiak ordaintzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
