Dantza eta umeak izan dira Aspanovasen aldeko jaialdiko protagonistak

Zunba, koreografia txapelketa eta Pirritx, Porrotx eta Marimototsen Laudioko lehengusu eta lehengusinen ikuskizuna egon ziren Aldai plazan, besteak beste. 

Aspanovasen -Bizkaiko haur minbizidunen gurasoen bizkaiko elkartea- aldeko "Haurrera" elkartasun jaialdia egin zen larunbatean Laudioko Aldai plazan. Egun osoko egitaraua antolatu zuen elkarteko kideek, SOS Lamuza Parkea plataformaren eta herriko hainbat norbanakoren laguntzarekin.

Haurrentzako jolas eta tailerrak eta zunba saioa egon ziren goizean. Arratsaldean, aldiz, koreografia erakustaldia egin zuten. Lehiaketa egitea zen hasierako asmoa, baina norgehiagoka bertan behera uztea erabaki zuten azkenean, oso talde gutxik eman zutelako izena. 

Emanaldi berezi bat egon zen jarraian, Pirritx, Porrotx eta Marimototsen Laudioko lehengusu eta lehengusinak igo baitziren oholtzara, ume eta guraso guztiak dantzan jarriz. Diskofestarekin amaitu zuten eguna. 

Argazkiak: Iñaki Moskoso eta Txabi Alvarado

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide