EAEn bizi diren galiziarren hiriburua izango da Laudio ekainaren 14tik 17ra, Galiziako XXXIII. Eguna ospatuko baita herrian. Urtero toki ezberdin batean egiten da ospakizun hori; Laudion 2010ean egin zen azkeneko aldiz.
Aldai plazan egingo dira ekintza gehienak. Galiziar gastronomia eta produktuak dastatu eta erosteko parada egongo da ostegunetik igandera. Horrez gain, beste hainbat ekintzaz gozatzeko aukera egongo da: gastronomia lehiaketak, musikariek girotutako kalejirak, Galiziako taldeen kontzertuak, dantza emanaldiak, umeentzako ekintzak...
Fernando Romay pregoilari
Gonbidatu berezi bat bertaratuko da Laudiora ospakizunaren pregoilari gisa aritzera: Fernando Romay. A Coruñako saskibaloi jokalari mitikoa larunbatean egongo da Aldai plazan, 12:30ean. Urteak daramatza Romayk erretiratuta, baina Ibilbide oparoa egin du kirolari gisa. Eurobasket txapelketan eta Los Angeleseko Joko Olinpikoetan zilarrezko dominak lortu zituen, besteak beste.
EGITARAU OSOA
Ekainak 14, osteguna
10:30-21:30 // Erakusketaren irekiera eta gastronomia produktuen salmenta eta musika
18:00 // Galiziako gastronomia produktuen karparen irekiera
Ekainak 15, ostirala
10:30-21:30 // Erakusketa, gastronomia produktuen salmenta eta Galiziako artisautza
19:30 // Gaitajoleen animazioa eta Aretako Trikitilariak
20:00 // Galiziako XXXIII. Eguna Euskadin topaketen inaugurazioa
20:30-21:45 // Zoelas folk taldearen musika emanaldia
22:15-23:30 // Kontzertua: Tango en Xan3iro folk
Ekainak 16, larunbata
11:00 // “Ardo beltz galiziarren XVIII. Dastatze-lehiaketa”-ren aurkezpena
12:00-13:30 // Gastronomia lehiaketak
12:30 // Irmandadeko hainbat taldek girotuko dute Laudioko kaleak gaita eta perkusioa baliatuta
12:30-13:30 // Haurrentzako eskulan tailerrak
Imitaziozko-bitxi ilustratua
12:30 // Euskal dantzak Itxarkundia taldearen eskutik
13:30 // Kun Kun batukada
17:00-18:30 // Umeentzako eskulan tailerrak
18:00 // Beti-Jai fanfarrea
18:00 // Chave lehiaketa
20:00 // Sari banaketa
20:30 // Kontzertuak: Luar Na Lubre + Astaroth
00:00 // Queimada herrikoia