Euri zaparradak izan dira nagusi eguneko lehen orduetan eskualdeko zenbait herritan. Laudion, esaterako, kaleetako bide asko azaldu dira ur putzuz gainezka. Euskalmetek jakinarazi duenez, Laudion lehertu da ekaitza, nabarmen:
Ordubetean pilatu den euria (l/m2):
— Euskalmet (@Euskalmet) 2018(e)ko uztailaren 12(a)
Gardea: 46
Areta: 35.8
Matxitxako: 18.3
Aranguren: 17.3
Ordunte: 16.4
Precipitación máxima acumulada en una hora (l/m2).#ekaitza #euria pic.twitter.com/b1fQJtH7ns
Dena den, Herrizaingoaren Trafiko Sailaren esanetan, errepideetan ez da istripurik gertatu. Renfeko trenek ere ohikoan bezala funtzionatzen dute.
Gardea eta Aretako errepideetan nabaritu da ekaitz eta ur zaparrada gehien, irudiek erakusten dutenez. Arrankudiaga-Zollo inguruan, berriz, trafikoa mantsoago doa, ur emaria dela kausa, Segurtasun Sailak zabaldu duenez. Gainontzeko herrietan ere trumoi eta euri zaparrada ugari egon dira.
"Udako ekaitzak"
Ekaineko lehen asteburuan ere gogor astindu zuen ekaitzak Aiaraldea. Euskalmetek ohartarazi duenez, 11:00etan aurreikusi dute "abisu horia" desaktibatzea.
Bien bitartean, euri zaparrada trumoitsuak iragarri dituzte: "Baliteke zenbait tokitan txingorra ere egitea. Bizkaiko zenbait lekutan ordubetean 15 litro metro koadroko pila litezke". Eskualdean, ordea, kopuru hori hirukoiztu da dagoeneko.
Argindarrarekin eragozpenak
Goizean zehar sortu ditu eragozpen gehien ekaitzak. Garrastatxu Landaluze urduñarraren hitzetan, sekulako ekaitza bota du Urduñan 6:40an. Okondoko hainbat bizilagun internet konexio gabe geratu dira. Orozkoko zenbait etxeetan ere joan da argia, lekukoek kontatu dutenez.
