Laudioko Udalak jakinarazi du irailean, urrian eta azaroan aurreikusi duela parkeei lotutako hainbat obra egikaritzea. Amets Meatza alkateordeak adierazi du 3 esku hartze izango direla, eta diru kopuruak behin onartuta, ahalik eta lasterren ekingo diotela lanari hiru gunetan:
- Lamuza parkean dagoen Zuberoako umeen parkea izango da helburuetako bat. 12.500 euro inguruko inbertsioa suposatuko du eta zenbait elementu ordezkatuko dituzte.
- Aldapetako nagusien parkean, suhiltzaileen alboan, hain zuzen, tresna batzuk berritu eta aldatuko dituzte. 12.500 euro ere bideratuko dituzte.
- Calistenia parkea Latiorron eraikiko dute. Herritar talde batek sinadura bilketa sustatu zuen horretarako, eta bultzatzaileekin adostu du udalak zein elementu jarriko dituzten. Edonola ere, horiek instalatu baino lehen, udal langileek segurtasun lurzorua egingo dute, 100 metro koadrokoa. Guztira, 35.000 euro inbertituko dituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
