Esti Urresolaren "Deklinabideak" filma Cadizeko jaialdiaren atal ofizialean lehiatuko da

Aitor Aspuru Saez 2018ko uztailaren 31

Lamuza Ikastetxeko ikasle eta gurasoak dira dokumentaleko protagonistak. / Esti Urresola

Irailaren 28tik urriaren 6ra bitartean Alcances dokumental jaialdia izango da Cadizen. Esti Urresola laudioarrak parte hartuko du film laburren atalean Deklinabideak lanarekin.

Esti Urresola laudioarraren Deklinabideak lana hautatu dute Cadizeko Alcances dokumental jaialdian. 20 urte baino gehiago ditu ekimenak eta aurten inoiz baino pelikula gehiago jaso ditu. Hala eta guztiz ere, Lamuza Ikastetxean grabatutako proiektuak sail ofizialean sartzea lortu du eta sariak eskuratzeko lehiatuko da.

Esan bezala, 358 film jaso dituzte jaialdian aurten. Hautatuen artean asko euskaldunak dira. Hori ez ezik, emakumezkoek protagonismoa handia izango dute zuzendaritzan. Izan ere, guztira 33 izan dira pelikula hautatuak eta horietako 24k dituzte emakumezko zuzendariak.

Esti Urresola Deklinabideak proiektuak euskara, kultura aniztasuna eta integrazioa uztartzen ditu. Horretarako, euskara batua du ardatz Lamuza Ikastetxean grabatutako pelikulak.

Kultura Laudio

Erlazionatuak

Gaur estreinatuko da Esti Urresolak Lamuza Ikastetxean grabatutako dokumentala

Lamuza Ikastetxeko Guraso Elkartea 2018 mai 18 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide