Gazteen talentua eta umorea bistan, Koadrila Egunean

Erredakzioa 2018ko abuztuaren 24a
Deskargatu Info Ahotsak :

Laudioko Jai koadrilak izan ziren atzoko protagonistak. Aldai eta zezen plaza jendez eta jolasez bete zuten. 

Jaiak Koordinakundearen bazkarian bildu ziren 350 lagunetik gora, Kuxinak Tripotxanek prestatutako indabak bazkaltzeko.Indarrak hartu ostean talentua erakusteko garaia iritsi zen: Ainubeak koadrilaren  Laudio's Gots Talent ekintzarekin. Abestu, antzeztu eta dantza, denetarik egin zuten bai partaideek eta baita ikusleek ere. 

Arratsaldean, berriz, zezenplazan elkartu zituen gazteak Zoroak taldeak, Xtrem herri kiroletan. Olatuak eta umorea ez ziren falta izan. Egunero bezala, kalejirak hartu zituen kaleak 20.00etan, Kolpez Blai batukadarekin. Modu horretan, herrigunera barraiatu zen festa. 

Kultura Laudio
Erlazionatuak
Koadrilek hartu dituzte gaur Laudioko kaleak
Koadrilek hartu dituzte gaur Laudioko kaleak

Aimar Gutierrez Bidarte 2018 abu 23 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide