Euskal Jaian egingo du Itxarkundiak 40.urteurreneko bazkaria

Aldai plazan elkartuko dira Itxarkundia taldeko kideak. / Aiaraldea

Urte osoan zehar egin dituzte ekitaldiak. Irailean ospakizun bazkaria antolatuko dute. 

Laudioko Itxarkundia taldeak 40 urte bete ditu. Hori dela eta, ekitaldi ugari antolatu dituzte azken hilabeteetan. Hurrengo hitzordua irailaren 14ko dantza-plaza izango da, artisau azokarekin lagunduta. 

Euskararen jaiarekin bat, baina, herri bazkari irekia gauzatuko dute, aurreratu dutenez: "Aurten, gure 40. urteurrena izanda, Itxarkundia Dantza Taldeak egingo diren hainbat bazkarien artean, bat antolatuko du; eta herrikoia izatea gustatuko litzaiguke, beraz, parte hartzera gonbidatzen zaituztegu". Tokia ere zehaztu dute: Aldai plaza. Euskal jaiko gainontzeko egitaraua ez dute oraindik aurkeztu.

Sagardotegi menua
Sagardotegi menua eskainiko dute Itxarkundiakoek: hasierako gisa urdaiazpikoa, solomoa eta txorizoa sagarodarekin; plater nagusi modura bakailo tortila eta saiheski errea eta azkenburuko bezala gazta irasagarrarekin. Eta, nola ez, sagardo kupela ez da faltako. Ogia, kafea eta ura ere prezioaren barnean daude. Hain zuzen, 18€ ordaindu beharko dituzte nagusiek, eta 11€ umeek. Dena den, haurren menua bestelakoa izango da: makarroiak boloñesa erara, pintxo morunoak, zukua eta yogurta jango dute. Txartelen salmenta Bazter eta Arkupe tabernetan gauzatuko dute, eta Tahona zein Lur dendetan. 

Erlazionatuak

Dantza, historia eta antzerkia uztartu ditu pregoi irakurtaldian Itxarkundiak

Laudio

Itxarkundia dantza taldea izendatu dute aurtengo pregoilari, 40 urte bete baititu. 19:00etan izan da ekitaldia, eta dantzari zein herritarrez bete ...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide