Gaur eta bihar, goizean eta arratsaldean, udako pagotxen azoka egingo dute APILLeko 30 dendek.
Horrez gain, Apillek, Eusko Jaurlaritzako Turismo, Merkataritza eta Kontsumo Saileko laguntzaz, abiatu du kanpaina berria tokiko merkatal esparrua sustatzeko irailean eta urrian. Kanpaina horretan 6.000 € banatuko dituzte Laudion. Guztira 3 txartel zozketatuko dituzte, 2.000 eurokoa bakoitza, goiz bakarrean gastatzeko denda parte-hartzaileetan. Horrela, bezeroen fideltasuna saritu nahi dute tokiko merkataritzan.
Batu diren establezimenduetan erosketak egiterakoan irailean eta urrian, erosleek jasoko dute tiketa zozketan parte hartzeko. Kolore ezberdinetakoak izango dira, zozketaren arabera. Apilleko postontzian utzi beharko dira (Zumalakarregi 33, 1. esk.) edo udaletxean jarritako kutxan.
Irailaren 21ean eta urriaren 11n eta 31n egingo dira zozketak.
Irabazten dutenek 2.000 euroko boletoak gastatu beharko dituzte goiz bakarrean Laudioko denda parte-hartzaileetan. Irabazleak zenbait animatzaileren laguntza izango du, eta horiek kaleak dinamizatuko dituzte erosketek irauten duten bitartean. Tiketak aldatzeko egunak hurrengoak izango dira: irailaren 27an, urriaren 18an eta azaroaren 8an.
Dendaren batek kanpainarekin bat egiteko interesa izango balu, oraindik egin dezake azken bi zozketetan, 94 672 28 01 telefono zenbakira deituta edota apill@laudiocomercial.com helbide elektronikora idatzita. Horretarako epea bukatuko da irailaren 18an.
Informazio guztia eta parte hartzeko oinarriak Apillen ikus daitezke: www.laudiocomercial.com.