Antzezle lanetan estreinatu da Iñigo Martinez “Trèvols de 4 fulles” telesailean

Txabi Alvarado Bañares 2018-09-19 07:30 Kultura Laudio

Programak fikzioa eta errealitatea uztartzen ditu, aniztasun funtzionala hizpide hartuta. Bartzelonako Betevé telebistan emitituko dute.

Antzezle lanetan estreinatu da Iñigo Martinez “Trèvols de 4 fulles” telesailean

Iñigo Martinez -ezkerrean- telesailaren une batean. / Betevé | Ikusi handiago | Argazki originala

Dantzari gisa aritzetik aktore izatera pasa da Iñigo Martinez Trèvols de 4 fulles izeneko telesailean. “Abenduan grabatu genuen. Bartzelonako Betevék telebistak lehiaketa egin zuen eta gure proiektua izan zen garailea”, azaldu du artista laudioarrak, “telesailaren zuzendariak aukeratu ninduen seriea egiteko”.

Fikzioa eta errealitatea uztartzen
Gauzak hala, telebista horretan ikusi ahal izango da ikus-entzunezko egitasmoa. Bi hilabete behar izan dituzte telesailaren 13 atalak grabatzeko.

Ordu erdiko iraupena dute kapituluek, eta fikzioa eta errealitatea nahsten dituzte, aniztasun funtzionala hizpide hartuta.

Martinezek nabarmendu du esperientzia “oso ona” izan dela berarentzat. “Oso eroso sentitu naiz grabaketan. Nire lehenengo aldia izan da alor honetan, espero dut aurrerantzean aukera gehiago sortzea”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Zabaldu artikulua: