Euskararen plaza bihurtuko da Laudioko San Martin zelaia asteburuan, Altzarrate Kirol Elkarteak eta CD Laudiok antolaturiko “Euskaraz Jokatu nahi dut” futbol txapelketan.
Kimu eta haur kategorietako 18 futbol talde arituko dira euskararen aldeko norgehiagokan. Eskualdeko kluben ordezkaritza zabala egongo da: Kaskagorri, CD Orduña, Etorkizuna Amurrio, CD Laudio eta Altzarrate. Gainontzeko taldeak Euskal Herri osotik bertaratuko dira Laudioko berdegunera: Amorebieta, Portugalete, Alegria, Ermua eta Urkabustaizetik.
Partidak irailaren 22 eta 23an jokatuko dira. Larunbatean 10:00etan hasiko da txapelketa eta sari banaketa 14:30ean egingo dute. Igandean aldiz 9:30ean hasiko dira partidak. Sarrerak 2 euro balioko du eta zozketa batean parte hartzeko aukera izango dute bertaratzen direnek.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
