Bi pertsona atxilotu dituzte tabernako borroka batean, mehatxu eta eraso delituengatik

Izar Mendiguren Cosgaya 2018ko irailaren 30a

Bi lagun atxilotu dituzte. / Aiaraldea.eus

Labanarekin eta botila apurtuekin erasotu dute pertsona bat goizaldean herrigunean. Ertzaintzak bi lagun atxilotu ditu. Zaurituari ebakuntza egin diote, baina bere osasuna ez dago arriskuan.

Gazteen arteko liskarra jazo da bart goizaldean Laudion. Nerbioi eta Zubiko Kurajo kaleetan izan zen borroka, lekukoek adierazi dutenez. Ertzaintzaren esanetan, 1:30ean izan da istilua. Guztira bi pertsona atxilotu dituzte, "delitu eta mehatxu delituak leporatuta". Prentsa bulegotik adierazi dutenez, labana eta botila apurtuak erabili zituzten pertsona bat zauritzeko.

Sorgin tabernako jabeak argitu duenez, liskarra ez zen bertan izan: "Oketa kalean gaizki aparkatutako auto bat zegoelako gazte batek ibilgailuaren ispiluak apurtu zituen. Kotxearen jabea bertaratzean hasi zen istilua, gazteak kotxearen jabeari zaplastekoak eman zizkion. Orduan areagotu zen borroka, Nerbioi kaleko beste taberna batean, handik Zubiko malekoira hedatu zen arte. Tren geltoki aldean bukatu zen dena, atxiloketekin".

Eritua ez zuten ospitaleratu goizaldean, baina hedabideak jakin duenez, ebakuntza egin diote zauri "arinak" sendatzeko.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide