Aretako Gazte Asanbladak egitasmo berria aurkeztu du: Pinpili Aisialdi taldea. Sare sozialetan ez ezik, Aretako zenbait jardueretan ere egongo dira presente. Pausoa emateko arrazoiez mintzatu dira: "Aretako Gazte Asanbladako kideok, Aretan aisialdi taldearen beharra sumatu dugu eta horren aurrean horri erantzuteko lanari ekin diogu".
Iaztik gaurdaino tailer eta aisialdi eskaintza ugari egin dituzte, umeentzat jolasak eta udaleku irekiak kasu. "Proiektu guztiak ez dira bertan behera geratu ezta aldatuko, baina profesionaltasunez jokatu eta lan egin nahi dugunez, gure talde propioa sortzeari ekin diogu, izan ere, Gazte Asanbladak bestelako grina eta proiektuetan indarrak jartzea garrantzitsua iruditzen zaigu", azaldu dute.
Hezitzaile talde gazteak gogotsu heldu dio erronkari: "Gure lan egiteko metodologia, formatua eta gogoak ez dira aldatuko, ezta bertan parte hartzen duten hezitzaile taldea ere". Eragilearen nondik norakoak ezagutzera eramateko sare sozialetara egin dute jauzi, Pinpili Aisialdi Taldea izenarekin: