Arratsaldeko seietan izango da zita, Laudioalde Lanbide Heziketa ikastetxeko areto nagusian. Sarrera doakoa izango da.
ETB1-eko Go!azen telebista saioaren denboraldi berriaren aurkezpena egingo dute Laudion urriaren 28an, igandean. Laudioalde Lanbide Heziketa ikastetxeko areto nagusian izango da zita, arratsaldeko seietan. Sarrera doakoa izango da. Euskara Arloak antolatu du jarduera, "baina ez da aktorerik egongo".
2009. urtean sortu zen Go!azen 2.0 telesaila, izen bereko film batetik abiatuta. Bosgarren denboraldia da Laudion aurkeztuko dutena.
Bideo bidezko aurkezpena izango da, udaleko Euskara Sailetik jakinarazi dutenez. Hau da, ez da telesaileko aktorerik bertaratuko. Denboraldi berriko lehen atala proiektatuko dute jarraian, 58 minutukoa.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
