Film laburren lehiaketa jarri du abian Orozkoko Supelaur elkartek, hirugarren urtez jarraian. “Hogei urte daramatzagu herrian filma laburren jaialdiak antolatzen”, azaldu du Andres Larrinagak, “baina duela hiru urte lehiaketa propioa sortzea erabaki genuen, herriko jendearen parte hartzea sustatzeko”.
Hala ere, elkarteko kideak nabarmendu du parte hartzeko ez dela beharrezkoa izango orozkoarra izatea. “Euskal Herri osoko lagunak izango dira ongietorriak”. Bideoek hiru baldintza baino ez dituzte bete beharko: gehienez 15 minutuko iraupena izatea, Orozkok presentzia izatea eta euskaraz grabatuak edo azpititulatuak egotea.
Azken eguna, abenduaren 10a
Posta elektroniko bidez bidali beharko dira lanak, supelaurkt@gmail.com helbidera. Abenduaren 10era arte egongo da horretarako tartea. Hiru sari egongo dira. Lehena 300 eurokoa izango da, bigarrena 150 eurokoa eta 100 eurokoa, aldiz, hirugarrena. Supelaur elkarteko kide batek eta udaleko Kultura Saileko ordezkariak egingo dituzte epaile lanak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
