Felix Mugurutza eta Lauri taberna agertuko dira ETB2ko “A bocados” saioan

Txabi Alvarado Bañares 2018ko urriaren 31

Felix Mugurutza grabaketaren une batean.

Iragan ostiralean egin zituzten grabaketak. Zizak eta onddoak izan zituzten hizpide.

Laudioko Lauri taberna eta Felix Mugurutza agertuko dira ETB2ko A bocados programaren atal batean. Ziza eta onddoak izango dituzte hizpide. “Laurin kopau batzuk prestatu zituzten”, azaldu du Mugurutzak. Orozkoko Telleri basora joan ziren gero, Izartza baserri albora. Behe-lainoa agertzea espero zuten, grabaketa girotzeko. “Baina azkenean euri tantak eta hotza bai, baina lainoa goian. Hala ere, leku hori paregabea da gaia girotzeko”.

Ikerlari laudioarrak adierazi du zizak heriotzarekin lotu izan direla beti. “Basoa hiltzearekin batera hazten dira, hildako substratuen gainean. Batzuk hilkorrak edo aluzinogenoak izateak indartuko zuen haiekiko dugun iritzia, misteriotsuak eta naturaz gaindikoak izatearena”.

Azaroaren erdialdean emitituko dute programa.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide