aiaraldea.eus

Iluntze eta Azoka saritu dituzte IX. Ibilbide Mikologikoan

Erabiltzailearen aurpegia Txabi Alvarado Bañares   Jendartea  Laudio
Iluntze eta Azoka saritu dituzte IX. Ibilbide Mikologikoan

Urdas Otaola Cousori egokitu zaio Saloura joateko bidaia. Aurtengo edizioaren balorazio gazi-gozoa egin du Apill-ek.

Gaur egin dute Laudioko Ibilbide Mikologikoaren IX. edizioko sari banaketa. Iluntzeko kazolatxoa izan da bozkatuena. Gauzak hala, taberna hori saritu dute kazolatxoen kategorian. Ederki taberna bigarren geratu da eta Topa Gastro Taberna hirugarren.

Pintxoen kategorian, aldiz, Azoka izan da garailea. Bigarren postuan Haitzulo Barri geratu da eta Batzokia aldiz, hirugarrenean.

Sari banaketaren ostean egin da Saloura joateko bidaiaren zozketa. Urdas Otaola Cousori egokitu zaio.

Balorazio gazi-gozoa
Aurtengo Ibilbide Mikologikoaren balorazioa gazi-gozoa izan da, Klaudio Perezen hitzetan. Apill-eko kideak adierazi du aurten aurreko urteetan baino herritar gehiagok hartu dutela parte pintxo eta kazolatxoen bozketan, baina parte hartzaile kopurua jaitsi egin dela.

“Apur bat blokeatuta gaude, buelta pare bat eman beharko litzaizkioke ekimenari, hobekuntza eta berrikuntzak sartuta”. Perezen aburuz, ekimen interesgarria da ibilbidea, tabernak “elkargune” gisa plazaratzeko eta “herria egiteko” balio duelako.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa