aiaraldea.eus

16 bikotek hartuko dute parte Laudioko lehen padel misto txapelketan

Erabiltzailearen aurpegia Izar Mendiguren Cosgaya   Kirola  Laudio

Larunbatean izango da torneoa. Egun osoan zehar egongo dira padel partidak. 

16 bikotek hartuko dute parte Laudioko lehen padel misto txapelketan
Gardeako pistetan jokatuko da torneoa. / Aiaraldea.eus | Ikusi handiago | Argazki originala

Urtebete inguru igaro da Laudioko padel pistak ireki zituztenetik. Geroztik, %85eko erabilera eman zaie azpiegiturei, Laudioko Udalak adierazi duenez. Horren adierazle da bi pisten okupazio maila handia. Ondo pasatzeko asmoarekin antolatu dute lehen torneo mistoa. Larunbatean izango da, 9:30etik 20:00etara. 

32 jokalarik hartuko dute parte lehen edizioan. Lau multzo osatu dituzte horretarako, finalaurdenetara sailkatzeko. Dena antolatu dute auzolanean, epaile arituko diren 4 lagunak barne. "Gastuak denon artean ordainduko ditugu: pisten alokairua, pilotak...".

"Puntu gehien biltzen dituzten 4 bikoteak igaroko dira final laurdenetara, eta irabazten dutenen artean jokatuko da finala", adierazi dute sustatzaileek. 20:00etan aurreikusi dute finala.

Lagunen arteko ekimena
Nerea Villa eta Janire Fernandez aritu dira, besteak beste, torneoa antolatzen: "Lagunen artean atera zen ideia, Gardean gabiltzan guztion artean egunpasa egiteko. Jende askok jokatzen dugu, baina emakume gehiago animatzeko erabaki genuen izaera mistoa izatea".  Partidak jokatzea eta ondo pasatzea izango dute, beraz, helburu: "Adin guztietako jokalariak elkartuko gara, 20-50 urte bitartekoak". 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa