23 eta 46 urteko bi gizon -aita eta semea- atxilotu zituen Ertzaintzak ostegun arratsaldean Laudion, kalean droga saltzea egotzita. Zubiaur kalean atzeman zituzten bi pertsonak. 6 kokaina dosi eta bi haxix zati zeramatzaten gainean, poliziaren esanetan. Euren etxebizitza eta ibilgailua ere miatu zituzten, eta beste 16 kokaina dosi eta hainbat haxix zati topatu zituzten.
Segurtasun Sailak jakinarazi du iragan udan hasi zirela bi pertsona horien jarduna ikertzen, hainbat bizilagunek ohartarazita. Zaintza-unitate bat abiatu zuen poliziak, zeinen bidez konprobatu ahal izan zuten bi atxilotuek kontsumitzaileekin kontaktatzen zutela kalean substantzien salerosketa gauzatzeko.
Aita eta semea atxilotu dituzte, kalean droga saltzea egotzita
Ostegunean izan zen atxiloketa, 18:30ak aldera, Zubaiur kalean. Haxix eta kokaina dosi ugari zeramatzaten bi gizonek atxiloketaren unean, poliziak adierazi duenez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide