Isa Boveda zinegotziak azaldu du gaur duela 2 urte ekimena abiatu zuela tokiko erakundeak 80 urtetik gorako biztanleen egoera aztertzeko. Astikerrek gauzatu zuen ikerketa eta helburua ziren isolamendua ekiditea eta segurtasunean eragitea.
Xede horiek betetzeko asmoz, Laudioko Udalak hurrengo 15 egunetan bidaliko ditu herriko 200 etxera gutuna, jakinarazteko 80 urtetik gorakoei aukera emango diela su detektagailua instalatzeko.
Horren gastua erakundeak hartuko du bere gain, baina herritarrek onartu beharko dute proposamena. Zinegotziak azaldu du A Tiempo Servicios y Prevención enpresak egingo dituela instalazioak eta derrigorrez egon beharko direla identifikatuak langileak, iruzurrak saihesteko.
Guztira, 17.000 euro bideratu ditu Laudioko Udalak egitasmora eta 2018. urteko amaieran gauzatu nahi du. Izan ere, 2019an 80 urtetik gorako adinduen behaketa hasi nahi du eta horretarako 5.000 euro erabiliko ditu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide