EAJk leporatu dio EH Bilduri udal jabegoen inbentarioa ez osatzea

Aitor Aspuru Saez 2018ko azaroaren 22a

EAJko udal taldea. / Aiaraldea.eus

Jeltzaleek salatu dute Laudioko Udal Gobernu Taldeak ez duela inbentarioa egin eta kanpoko aholkularitza zerbitzua ordaindu beharko dela horretarako.

EAJk prentsa oharra zabaldu du jakinarazteko Laudioko EH Bilduk ez duela gauzatu 2017ko jardunaldiari zegokion jabego inbentarioa. Hori dela medio, kanpo aholkularitza zerbitzu bat kontratatu beharko dute, txostena osatu dezan.

Jeltzaleek aipatu dute 2017ko balantze ekonomikoa betetzeko beharrezko tresna dela inbentarioa, jakin ahal izateko zenbat ondasun dituen erakundeak: tresnak, orubeak, lursailak, ordenagailuak... Zentzu horretan, EAJren iritziz, inbentarioa oraindik egin ez izana da EH Bilduren kudeaketarako gaitasun ezaren isla.

EH Bilduk, bere aldetik, iragarri du bihar erantzungo diola EAJri, astero deitzen duen prentsaurrekoan, alegia.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide