Txani Rodriguezen kontakizuna argitaratu du Bernardo Atxagak Erlea aldizkarian

Aitor Aspuru Saez 2018ko azaroaren 27a
Deskargatu Info Ahotsak :

Txani Rodriguez liburu aurkezpen batean./ Gaizka Bilbao

Txani Rodriguezek parte hartu du Erlea aldizkariaren 12. eta azken zenbakian. Euskaltzaindiaren historia izan da argitarapenaren ardatza.

Txani Rodriguez idazle laudioarraren kontakizuna jaso du Erlea aldizkariaren 12. zenbakiak. Bernardo Atxagak zuzendu duen proiektuaren azken zenbakia izango da eta protagonista nagusia Euskaltzaindia bilakatu dute, 100 urte bete baititu akademiak. Edonola ere, laudioarraren idatziak -"Pelegrinak. Gure diskurtsoen ahuleziak"- ez du zerikusirik erakundearekin.

Laudioko sortzailearen testua ez ezik, azaroan plazaratutako Erlearen zenbakiak Ibon Sarasola eta Ramon Saizarbitoriaren solasaldia, Gabriel Arestiren argazkiak, Beatriz Chivite, Hasier Larretxea edo Amaia Iturbideren poemak, Laura Mintegi, Kepa Altonaga, Nora Arbelbide edo Juan Luis Zabalaren testuak eta Txema Larreari idatzitako tributua ere jasotzen ditu, besteak beste.

 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide