aiaraldea.eus

Urte osoko egitarauarekin ospatuko dute Lamuzaren 50. urteurrena

Erabiltzailearen aurpegia Izar Mendiguren Cosgaya   Hezkuntza  Laudio

2019an 50 urte beteko ditu Lamuza eskolak. Urte osoan zehar egingo dute "lanketa berezia". Urtarrilean aurkeztuko dute urte osoko egitaraua.

Urte osoko egitarauarekin ospatuko dute Lamuzaren 50. urteurrena
50 urte beteko ditu eskolak hurrengo urtean. / Aiaraldea.eus | Ikusi handiago | Argazki originala

Otsailaren 1ean aurkeztuko dute Lamuzaren 50. urteurrena ospatzeko osatutako egitaraua. Ikastetxeko kideekin, udal ordezkariekin eta Hezkuntza Saileko gonbidatuekin emango diote hasiera kanpainari. Aurreratu dutenez, prentsaurrekoan umeentzat tailerrak ere egongo dira: "Margoketa, taloa... Sorginlarreneko buruhandi mitologikoak ere etorriko dira". Bien bitartean, ordea, abestia sortzeari ekin diote.

Argazki bilketa
Horrez gain, argazki erakusketa prestatzen dabiltza. "Irudi zaharrak bildu nahi ditugu", erantsi du Unai Zabala kideak. Horretarako, bakoitzak bere argazkiak bidaltzeko eskaera egin dute, gelamuza@gmail.com posta elektronikoa baliatuta. "Hurrengo urterako gauzak lantzen ari gara, lan talde bat eratu dugu", aipatu du. Besteak beste, logoa berrituko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa