aiaraldea.eus

Aiaraldean dauden osasun-espezialitateen inguruko hitzaldia antolatu du PSE-EEk

Erabiltzailearen aurpegia Erredakzioa   Osasuna  Laudio

Datorren astelehenean -abenduak 17- izango da zita alderdiak Laudion duen egoitzan, 19:00etan.

Aiaraldean dauden osasun-espezialitateen inguruko hitzaldia antolatu du PSE-EEk
PSE-EEren Laudioko egoitzan egingo dute solasaldia. / PSE-EE | Ikusi handiago | Argazki originala

Hitzaldia antolatu du Fernando Buesa elkarte sozialistak datorren astelehenerako. Aiaraldean dauden osasun-espezialitateak izango dituzte hizpide. “Etorkizunean izango ditugun osasun-gabeziak ere izango ditugu mintzagai, Laudioko biztanleria-piramidea kontuan hartuta”, azaldu dute antolatzaileek. Nabarmendu dutenez, herriko biztanleriaren %25a baino gehiago dago 60 urtetik gora.

Blanca Roncal izango da hizlaria. PSE-EEko osasun eta kontsumo idazkaria da bera, eta ibilbide luzea egin du medikuntzan eta osasun-zentroen kudeaketan. “Zinegotzia izan da Arrasaten eta Oñatin eta legebiltzarkidea Eusko Jaurlaritzan”.

PSE-EEko kideek herritar orori luzatu diote solasaldira gerturatzeko aukera. “Zalantzak argitzeko aukera egongo da bertan”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa