Iturralden murala margotuko du udalak

Aitor Aspuru Saez 2018ko abenduaren 18a

Behin betiko diseinua ez bada ere, honakoa da Aretako irudiaren zirriborroa. / Laudioko Udala

Laudioko Udalak iragarri du 14.400 euro bideratuko dituela Aretako Iturralde kalean murala egiteko.

Amets Meatza alkateordeak adierazi du irisgarritasun obrak egin ostean zenbait horma kolore grisez margotu zirela Iturralde kalean. Inguruko herritarren eskaerari erantzuteko, tokiko erakundeak murala egingo du bertan, inguruak koloreztatzeko. 14.400 euro baliatuko ditu Bilboko Wallart enpresak horretarako eta lanak urtarrilean edota otsailean gauzatuko dituzte.

Enpresak udaletxeko horma ere margotuko du, Aldai plazara begira dagoena, alegia. Pasa den astean hasi zen prestaketekin eta aste honetan bukatuko ditu. Neskato bat margotuko dute, Laudio ureztatzen. Tokiko merkataritzaren aldeko leloa ere jasoko dute margolanean.

Jendartea Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide